Создавање подобро искуство со недвижнини во Македонија

Пазарот со недвижнини во Македонија долго време е полн со потенцијал, но се соочува со предизвици кои го отежнуваат процесот на купување и продавање на недвижнини. Еве како ние ги идентификувавме овие проблеми и што направивме за да го подобриме процесот на рекламирање, купување и продавање недвижнини.

Идентификување на предизвиците на пазарот 

По истражувањето на пазарот со недвижнини во Македонија и по средбите со потенцијални купувачи, дојдовме до заклучок дека иако агентите за недвижнини се посветени на својата работа, очигледно им недостигаат потребни алатки и ресурси за да ги исполнат очекувањата на денешните купувачи. 

Нашето истражување покажа дека на повеќето огласи им недостасуваа токму она што купувачите сакаат да го видат, односно високо квалитетни фотографии, детален опис и јасни, точни, и концизни информации. 

Ова претставува значителна бариера за купувачите, па така се појави потребата за развивање подобри ресурси. Некои од нив чувствуваа дека има недоволно добра комуникација. Отишле да разгледаат недвижнини без притоа да имаат било какви информации за тоа што да очекуваат, што само придонесе за нивната фрустрација и несигурност. 

Меѓутоа, знаевме дека ова не е резултат на напорната работа на агентите, туку на недостатокот на една платформа која може да им помогне да го поедностават процесот.

Нашата визија за Имотко 

Имајќи го ова на ум, ја создадовме Имотко — платформа каде што купувачите и продавачите можат да најдат доверливи огласи со јасни, точни податоци. Сакавме да вклучиме клучни информации, како точни имотни листови, интересни места во близина, па дури и историја на продажба (односно дали имотот бил продаден преку некоја агенција претходно).

На Имотко, секој оглас за недвижнини доставува: 

• Детален опис којшто им дава јасна слика на купувачите за недвижнината,
• Високо квалитетни фотографии кои ја прикажуваат недвижнината во најдобро можно светло,
• Точни информации, како имотни листови, интересни места во близина и, кога е достапна, историја на продажба.

Нашата цел беше да направиме луѓето да се чувствуваат сигурни во своите одлуки, односно да не го трошат своето скапоцено време. 

Па така, наместо купувачите да трошат време секој ден проверувајќи веб-страници со нови недвижнини кои одговараат на нивните критериуми, ние се погриживме за тоа, за тие да можат да го направат следното: 

• Да добијат персонализирани понуди од агенции: Ако купувачот не може да го најде она што го бара, може да избере да добие персонализирани понуди од премиум агенции кои одговараат на неговите критериуми. Ова значи дека купувачите ќе добијат само релевантни огласи кои ги исполнуваат нивните потреби.
• Да добијат известувања: Купувачите можат да се пријават да добијат известувања кога нови недвижнини кои одговараат на нивните конкретни критериуми ќе станат достапни на пазарот, што ја елиминира потребата од постојано рачно пребарување.

Поддршка за агентите и транспарентност 

Агентите за недвижнини се важен дел од пазарот, и нашата платформа е тука за да го надополни нивното работење, а не да го замени. Имотко лично ги оценува агенциите и доделува посебни значки на оние кои ги исполнуваат нашите стандарди. Ова значи дека агенцијата била детално прегледана и потврдена.

Нашата посветеност кон купувачите и продавачите 

Нашата мисија е едноставна — да го направиме купувањето и продавањето на недвижнини полесно и поконкурентно. Со обезбедување на потребните алатки и ресурси за агентите  да испорачаат извонредна услуга, се стремиме да го поедноставиме процесот на купување, продавање и изнајмување недвижнини, создавајќи ефикасен и доверлив пазар.