Купување недвижнини во Македонија: Мислење од експерти

Заради својата историска убавина, модерни згради и ниски трошоци за живот, Македонија постепено станува атрактивна дестинација за инвестирање во недвижнини. Како што пазарот на недвижнини се шири, локалните и странските купувачи го препознаваат неговиот неискористен потенцијал.

Од живописни градови како Скопје до идилични места како Охрид, нашата земја нуди различни можности за сите оние кои се заинтересирани да инвестираат во станови/куќи, деловен простор или земјиште. 

Подолу ќе дознаете како полесно и побезбедно да купите недвижнини во Македонија.

Разбирање на македонскиот пазар на недвижнини

Пазарот на недвижнини во Македонија моментално многу брзо се развива. Резиденцијалните недвижнини, особено во урбаните области, остануваат најпопуларна опција. Сепак, сè поголема побарувачка има и за комерцијални/деловни недвижнини поради растечкиот бизнис сектор во земјата.

Скопје, главниот град, е на чело на сите активности на пазарот на недвижнини. Се зголемува бројот на нови градилишта, стамбени комплекси и канцелариски простории низ целата градска зона. 

Понатаму, сè повеќе купувачи се интересираат за руралните и езерските области. Тие бараат мирни локации како Охрид и Струга, каде природната убавина има доста голем инвестиционен потенцијал.

Дополнително, стратешката локација на земјата на Балканот ја прави одлично место за странски инвестиции. 

Според Ѓоко Здравески, агент за недвижнини од агенција Здравески во Охрид, овој тренд е во пораст, и како што вели тој:

“Растечкиот пазар на недвижнини во Македонија нуди одлична можност за инвестирање. Сè повеќе странци ја препознаваат оваа можност, па така имаме зголемена побарувачка од физички лица и инвеститори.”

Ниските цени на недвижнините во споредба со Западна Европа ги привлекуваат странските инвеститори. Тие исто така имаат корист од брзо подобрување на инфраструктурата и растечката туристичка индустрија.

Типови на недвижнини 

Македонскиот пазар на недвижнини нуди нешто за сечиј буџет и цел, од стамбени домови во градот до комерцијални простории и земјоделско земјиште во руралните области.

Резиденцијални недвижнини

• Куќи: Самостојните куќи најчесто ги бараат семејствата или оние кои бараат поголем простор и приватност. Во урбаните области како Скопје или Охрид, ќе најдете комбинација од модерни куќи или куќи во традиционален македонски стил.
• Станови: Становите сепак остануваат најпопуларен избор и за домашни и за странски купувачи. Скопје, Охрид и Битола имаат голема понуда на новоизградени станови. Многу од нив се со модерен амбиент и поволна локација.
• Вили: За оние кои бараат полуксузни недвижнини, вилите се одлична опција. Тие обично нудат поголемо место за живење, приватна градина и врвен амбиент. Вилите на Охридското езеро се особено посакувани, давајќи им на купувачите можност за инвестиција, но и за мирен одмор.

Понатаму, Ѓоко открива дека во моментов најбаран тип на недвижнини се становите.

“ Нашите клиенти најчесто се одлучуваат за помали станови од 40 до 50м2. Широкиот спектар на понуда во Охрид овозможува инвестиција за сечиј џеб, од станови со пристапни цени до луксузни комплекси од типот на Grand Residence”.

Заради нивната пристапност, овој тип на недвижнини е погоден за младите парови, самците, како и станоиздавачите кои сакаат да добијат поврат на вложените средства.

Комерцијални недвижнини

За оние кои сакаат да инвестираат, комерцијалните недвижнини претставуваат одлична можност за остварување приход. Без разлика дали сакате да започнете свој бизнис или да инвестирате во недвижнини со цел да ги изнајмувате, постојат доста опции, како на пример:

• Малопродажни објекти: Растечкиот туризам во Македонија и зголемената потрошувачка придонесуваат за поголема побарувачка на малопродажни објекти (како продавници или единици во трговски центри) во градови како Скопје и Охрид.
• Канцелариски згради: Со растечкиот број на бизниси во Македонија, канцелариските згради исто така стануваат атрактивна инвестиција. Доста се актуелни врвните локации, особено во Скопје, кој што е главен бизнис центар во земјата.

Иако комерцијалните недвижнини обично бараат повисока првична инвестиција, со тек на време тие обезбедуваат значителен профит преку изнајмување или бизнис дејствија.

Земјиште

Земјиштето е уште еден популарен тип на недвижнина, којшто нуди значителен потенцијал за раст, без разлика дали се работи за лична употреба или земјоделска развојна дејност.

• Градежно земјиште: Оние кои се заинтересирани за големи развојни проекти имаат можност за инвестирање во растечките градови и развојни региони. Земјиштето во овие области е многу популарна опција за стамбени и комерцијални развојни проекти.
• Земјоделско земјиште: Македонија има доста богата земјоделска традиција, па така земјоделското земјиште е исто доста барана опција за фармерство, развој на вински градини и други земјоделски активности. Купувањето земјиште во руралните области може да биде долгорочна инвестиција.

Пронајдете агент за недвижнини

Процесот на купување недвижнини во Македонија вклучува бројни правни процеси. Па, затоа е неопходно да најдете експерт кој што ќе се погрижи сè да биде во ред.

Агентите за недвижнини го разбираат локалниот пазар и може да ви понудат вредни совети и насоки. Тие се запознаени со карактеристиките на различни населби, моменталните цени и правните барања во однос на продажбата на недвижнини во земјата.

• Пазарна експертиза: Локалните агенти може да ви помогнат да најдете недвижнини кои одговараат на вашите специфични потреби и буџет, но истовремено се грижат да не преплатите премногу. Тие знаат кои области се актуелни, каде вредноста на недвижнината се очекува да се зголеми, и кои населби нудат најдобра долгорочна вредност.
• Правни и регулаторни насоки: Агентите се добро запознаени со правните процеси, како што се потребна документација, даноци и регистрација, итн. Тие можат да ви помогнат да избегнете грешки и да се осигураат дека купопродажбата е во согласност со сите локални закони.
• Вештини за преговарање: Агентите се искусни и имаат поголема моќ и предност за преговарање во ваше име. Тие знаат како да управуваат со понуди и контра понуди, и ќе ви помогнат да направите добра зделка.

Преку Имотко, можете да се поврзете со мрежа на реномирани и проверени агенти за недвижнини низ цела Македонија. Нашата платформа работи со искусни професионалци кои имаат докажан успех и широко познавање на пазарот.

Имотко внимателно ги избира агентите за недвижнини кои се подготвени да ве водат низ секој чекор во процесот на купување, од првичниот избор до финалното купување.

Креирајте корисничка сметка за да се поврзете со премиум агенции на нашата платформа.