6 Чекори до вистинската вредност на вашата недвижност

Одредувањето на вистинската вредност на вашата недвижност може да ви заштеди многу стрес при купување или продавање. Нема да платите повеќе отколку што треба, да продадете под реалната цена или да се двоумите подоцна.

Како купувач, имате поголема самодоверба во преговорите за цената, а како продавач може да поставите привлечна цена без да изгубите пари.

Кога ја знаете вистинската вредност, полесно е да поставите реален буџет, да одлучите кои реновации се исплатливи или да размислите за вашата следна инвестиција.

Чекор 1: Истражете слични недвижности

Еден од најсигурните начини да ја одредите вистинската вредност на недвижноста е да погледнете слични недвижности што неодамна се продадени или моментално се продаваат.

Еве што треба да земете во предвид:

• Локација: Недвижноста треба да биде во истиот дел од градот или на истата улица.
• Големина: Внимавајте на квадратурата, бројот на соби и распоредот.
• Година на градба и квалитет: Недвижностите треба да бидат изградени во сличен период и со приближно ист квалитет.
• Карактеристики: Паркинг, балкони, двор, енергетска ефикасност, лифт, поглед или понови реновации.

Добрата вест е што не мора да пребарувате на десетици веб-страници и платформи. Имотко веќе го има направено тоа за вас. Нашите објавени цени на продадени и активни недвижности ќе ви помогнат полесно да се ориентирате.

Чекор 2: Проценете ги локалните пазарни услови

Дури и ако недвижноста изгледа совршено, локалниот пазар игра огромна улога во нејзината реална вредност.

Еве ги главните фактори кои влијаат на цената:

• Понуда и побарувачка: Ако има многу купувачи, а малку недвижности на пазарот, цените растат. Во спротивно, паѓаат.
• Сезона: Одредени периоди од годината се поактивни (пролет, рано лето), па така и цените се качуваат.
• Каматни стапки: Ниските каматни стапки го зголемуваат интересот за купување.
• Економски трендови: Вработеноста, инфлацијата, платите влијаат врз тоа колку купувачите можат да платат.

Локалните услови можат да ја зголемат или намалат вредноста, затоа е доста важно да се знае што се случува на пазарот за недвижнини.

Чекор 3: Оценете ја физичката состојба на недвижноста

Недвижноста може да изгледа совршено на фотографии, но нејзината вредност зависи од реалната состојба. Внатрешната и надворешната состојба може драстично да ја зголемат или намалат цената.

Дури и помали проблеми, како стара електрика или дотраени прозорци, влијаат на вредноста, додека квалитетните реновации можат значително да ја зголемат.

Доколку недвижноста е добро одржувана и реновирана, ќе се продаде побрзо и по повисока цена.

Доколку пак недвижноста има видливи оштетувања (пукнатини, нерамни подови), застарени простории или големи технички проблеми (структура, водовод) обично мора да има пониска цена.

Колку е подобра состојбата, толку е поголема вредноста и толку помалку трошоци ќе има новиот сопственик по вселување.

Чекор 4: Анализирајте ја локацијата и населбата

Без разлика колку е убаво уредена недвижноста, околината игра огромна улога во нејзината вредност. Недвижноста која се наоѓа на подобра локација може да достигне многу повисока цена отколку идентична недвижност во помалку атрактивна населба.

Локацијата е поврзана со практичност, безбедност и квалитет на живот. Купувачите најчесто плаќаат повеќе за населби кои што нудат:

• Добри училишта
• Безбедност
• Близина до супермаркети, паркови, ресторани и услуги
• Добар транспорт и брз пристап до главни патишта

Кога локацијата ви заштедува време или ви го олеснува секојдневието, тоа директно се отсликува во цената.

Чекор 5: Разгледајте ги карактеристиките и надградбите

Одредени карактеристики и реновации можат значително да ја зголемат вредноста на недвижноста, додека други пак изгледаат впечатливо, но имаат минимално влијание врз пазарната цена.

Карактеристики кои најчесто ја подигаат вредноста:

• Модерни кујни: Обновени елементи, квалитетни работни плочи, нови апарати.
• Реновирани бањи: Нова санитарија, туш кабина, плочки.
• Паркинг: Приватно паркинг место, гаража или резервирано паркинг место.
• Надворешен простор: Балкони, тераси, дворови.
• Енергетски ефикасни системи: Нови прозорци, добра изолација, системи за ладење/греење.
• Паметна технологија: Сигурносни камери, автоматизирано осветлување, итн.

Карактеристики што не секогаш ја зголемуваат вредноста:

• Премногу персонализирани реновации
• Луксузни материјали
• Козметички подобрувања (завеси, мебел)

Важно е да знаете дали надградбата ја подобрува практичноста, го намалува идното одржување или го зголемува интересот кај купувачите.

Чекор 6: Соработувајте со професионалец за недвижности

Проценувањето на вистинската вредност на вашата недвижност не мора да биде сложено или стресно.

Во Имотко соработуваме со искусни партнери - агенти кои добро ги познаваат локалните пазарни услови.

Тие ќе ви помогнат да поставите реална и конкурентна цена, ќе ве советуваат како најдобро да ја претставите недвижноста, ќе ги менаџираат контактите со потенцијални купувачи и ќе ве водат низ преговорите сè до склучување на договорот за купопродажба.

Но, ако прво сакате да добиете проценка за вредноста на вашата недвижност, можете да ја користите и нашата алатка, која  ќе ви помогне да добиете брза и реална проценка. 

Подготвени сте за следниот чекор? Регистрирајте се на Имотко, внесете податоци за вашата недвижност и откријте ја вистинската цена за успешна и сигурна продажба. Брзо, бесплатно и ефикасно.